Расія заблакавала на YouTube відэа з песняй "Хотят ли русские войны"
Для расійскіх карыстальнікаў YouTube стала недаступным відэа з песняй "Хотят ли русские войны" ў выкананні савецкага спевака Марка Бернеса.
Замест роліка з'яўляецца плашка: "Гэты кантэнт заблакаваны ў дамене вашай краіны па патрабаванні дзяржаўных органаў". Як правіла, такімі забаронамі ў Расіі займаецца Раскамнагляд.
СМІ звярнулі ўвагу на блакаванне 7 красавіка, піша fontanka.ru. Відэаролік быў апублікаваны ў снежні 2011 года, да гэтага часу ён набраў больш за 400 тысяч праглядаў. Прычым гэта не спецыяльны кліп на песню, а проста слайд-шоу з фотаздымкамі Бернеса.
Дарэчы, іншыя матэрыялы з гэтай песняй на YouTube даступныя.
