16 кастрычніка ў Беларусі на 3% падаражэў бензін (дакумент)

З 16 кастрычніка зноў павысіліся кошты на аўтамабільнае паліва. Гэтым разам на 3% падаражэў бензін і на 5% – дызельнае паліва, якое па кошце зраўнялася з 95-м. Адпаведнае рашэнне канцэрна “Белнафтахім” паступіла ў суботу на беларускія запраўкі, паведамілі Еўрарадыё на некалькіх АЗС краіны. Нагадаем, апошняе павышэнне коштаў на паліва было ўсяго два тыдні таму. 1 кастрычніка бензін і салярка падаражэлі ў сярэднім на 5%. Увогуле за год кошты на паліва павялічваюцца ўжо ў 10-ы раз.