АБСЕ вітае вызваленне Андрэя Саннікава
Пра гэта гаворыцца ў заяве дзеючага старшыні АБСЕ, віцэ-прэм’ер-міністра Ірландыі Эймана Гілмара.
Еўрапейскі палітык заклікаў кіраўніка беларускай дзяржавы Аляксандра Лукашэнку вызваліць астатніх палітвязняў, якія яшчэ застаюцца ў турме. Гілмар, у прыватнасці, занепакоены лёсам іншага экс-кандыдата ў прэзідэнты, Міколы Статкевіча, асуджанага на 6 гадоў пазбаўлення волі, перадае БелаПАН.
“Я заклікаю прэзідэнта Лукашэнку працягнуць гэты пазітыўны рух і вызваліць усіх апазіцыйных лідараў, якія засталіся ў зняволенні”, — сказаў Эйман Гілмар.
