Арганізатары акцыі “Стоп-бензін” вельмі задаволеныя вынікам
Дырэктар “За Аўто” Арцём Шаркоў заявіў, што дапамаглі ў яе правядзенні самі супрацоўнікі ДАІ.
Ён зазначыў, што даішнікі ў дадзеным выпадку наладзілі самы лепшы "Стоп-бензін", які можна было прыдумаць. Шаркоў кажа, што гэта было нейкае шоў, якое можна ўбачыць толькі на нейкіх дзяржаўных святах.
Актывіст лічыць, што аўтамабілісты могуць зноў самаарганізавацца і выступіць з пратэстам супраць падвышэння коштаў на нафтапрадукты, аднак для гэтага патрэбна важкая прычына — напрыклад, чаргов рэзкі скачок цэн.
Нагадаем, што ўчора прайшла чарговая акцыя "Стоп-бензін". Каб перашкодзіць яе правядзенню, сталічная ДАІ амаль цалкам перакрыла рух на праспекце Незалежнасці больш чым на гадзіну.
