Лідзія Ярмошына застаецца старшынёй ЦВК
Аляксандр Лукашэнка 13 снежня падпісаў указ, якім прызначыў сябраў Цэнтральнай выбарчай камісіі.
Імі сталі Васіль Бушчык, Лідзія Ярмошына, Вадзім Іпатаў, Мікалай Лазавік, Марына Рахманава і Алег Сліжэўскі. Яшчэ адным указам Ярмошына зноў прызначаная старшынёй ЦВК. Такім чынам, яна можа кіраваць камісіяй яшчэ 5 год, паведамляе БелаПАН.
Лідзія Ярмошына з’яўляецца бяззменным кіраўніком Цэнтрвыбаркаму са снежня 1996 года. Не так даўно яна заяўляла ў прэсе, што можа выйсці на пенсію.
