Мясніковіч і Мядзведзеў аглядалі ротар для беларускай АЭС
Прэм'еры ў пятніцу ў Санкт-Пецярбургу наведалі цэх прадпрыемства "Сілавыя машыны", які вырабляе ротары для турбін атамных электрастанцый.
Як адзначае РІА "Новости", менавіта там вырабляюцца ротары для АЭС Беларусі і Казахстана. Таксама піцерскае прадпрыемства забяспечвае абсталяваннем большасць цеплаэлектрастанцый нашай краіны.
Падчас размовы з Міхаілам Мясніковічам Дзмітрый Мядзведзеў адзначыў, што расійска-беларускія адносіны развіваюцца "дастаткова годна... нягледзячы на трывожную сітуацыю на эканамічных рынках". Беларускі прэм'ер, у сваю чаргу, нагадаў пра "праблемныя пытанні" ў Мытным саюзе, якія "рэальна можна вырашыць". Што да стварэння сумесных беларуска-расійскіх прадпрыемстваў (напрыклад, СП МАЗ-КАМАЗ), дык Міхаіл Мясніковіч назваў гэты працэс "вялотекущим", інфармуе ІТАР-ТАСС.
Фота — government.ru
