Прэм'еры Беларусі і Літвы сустрэнуцца ў Клайпедзе
Прэм'ер-міністры дзвюх краін правядуць сустрэчу ў рамках Беларуска-Літоўскага эканамічнага форуму.
Ён адбудзецца 17-19 красавіка ў Клайпедзе. Як паведамляе interfax.by, правядзенне форуму абмяркоўвалася на сустрэчы намесніцы міністра замежных спраў Беларусі Алены Купчынай з амбасадарам Літвы ў Беларусі Эвалдасам Ігнатавічусам.
Акрамя таго, абмяркоўваліся і адносіны паміж Беларуссю і Еўрасаюзам. Нагадаем, што Літва неўзабаве пераймае старшынства ў ЕС.
Фота — regioninvest.by
