Самім можа не хапіць: чаму Беларусь перастае пастаўляць Украіне бензін А-95

Куюн адзначыў: на беларускі бензін прыпадае 50% А-95 ва Украіне. Цяпер нашай паўднёвай суседцы давядзецца актыўна шукаць паліва ў іншых краінах. І на Беларусі гэта сітуацыя можа адбіцца негатыўна.

— Я лічу, што гэта вельмі дрэнны сігнал. Я думаю, ён не пройдзе незаўважаным, наступствы будуць у кожным разе. Гэта зноў пакажа залежнасць украінскага рынку ад беларускага экспарту. Не выключаю, што могуць быць прынятыя не толькі нейкія аператыўныя меры, а што гэта пакладзе пачатак перагляду нейкай энергетычнай стратэгіі не на карысць Беларусі. На жаль, мы бачым, што надзейнасць гэтага партнёра выклікае пытанні.

Украінскі рынак — высокамаржынальны, ён фармуе значную частку прыбыткаў беларускай нафтаперапрацоўкі. Калі з часам Украіна будзе закупляць менш беларускага паліва, то, адпаведна, Беларусь страціць частку даходаў.

Атрымаць аператыўны каментар у "Белнафтахіме" ці Беларускай нафтавай кампаніі Еўрарадыё не ўдалося.