Сербія не плануе закрываць сваё неба для Беларусі
Сербія не будзе закрываць для Беларусі сваё неба, бо не з'яўляецца чальцом Еўрасаюза. Пра гэта заявіў старшыня Народнай скупшчыны (парламента) Сербіі Івіца Дачыч.
"Не думаю. Наколькі я ведаю, Сербія не прымала такога рашэння, таму што мы не з'яўляемся чальцом Еўрапейскага саюза", — перадае РІА "Новости" яго словы.
У пятніцу, 4 чэрвеня, з'явілася пастанова Еўрасаюза, якая забараняе беларускім авіяперавозчыкам выкарыстоўваць паветраную прастору і аэрадромы ЕС. Забарона не тычыцца гуманітарных рэйсаў, а таксама аварыйных пасадак і экстраных пралётаў.
Перамовы пра ўваходжанне Сербіі ў ЕС пачаліся ў студзені 2014 года.
Адзначым, што Беларусь не мае супольных межаў з Сербіяй, а ўсе суседзі Беларусі, акрамя Расіі, закрылі сваю паветарную прастору. Такім чынам, палёты ў Сербію павінныя будуць накіроўвацца вельмі доўгім кружным маршрутам.
