Штаб Ільхама Аліева заявіў пра яго перамогу на прэзідэнцкіх выбарах
Паводле звестак некалькіх exit poll, дзейны прэзідэнт Азербайджана набірае больш за 80% галасоў выбарцаў.
У апазіцыйнага кандыдата Джаміля Гасанглы больш за 8%, у іншых васьмі кандыдатаў менш за 2%. Яўка выбарцаў склала больш за 72%.
Алі Ахмедаў, кіраўнік штабу Ільхама Аліева, заявіў пра перамогу на прэзідэнцкіх выбарах свайго кандыдата, інфармуе РІА "Новости".
Як вядома, выбары прэзідэнта ў Азербайджане праводзяцца раз на 5 гадоў. Ільхаму Аліеву 51 год. Ён займае пасаду прэзідэнта з 2003 года.
Фота — ria.ru
