Што замінае Зяленскаму “афіцыйна” сустрэцца з Ціханоўскай?
Адносіны паміж Кіевам і Мінскам можна апісаць адным словам — складаныя. І тычыцца гэта не толькі стасункаў з беларускім рэжымам, якія фактычна адсутнічаюць, але і з лідарамі пратэставага руху. У адрозненне ад практычна ўсіх лідараў краін ЕС, прэзідэнт Украіны Уладзімір Зяленскі дагэтуль не выказаў цікавасці да сустрэчы са Святланай Ціханоўскай. Дый санкцыйную палітыку Захаду ў дачыненні да беларускага рэжыму афіцыйны Кіеў падтрымлівае досыць своеасабліва.
Што сёння ўяўляюць з сябе беларуска-ўкраінскія стасункі і ці гатовы Кіеў “перагарнуць старонку” ў адносінах з беларускім рэжымам? Што спыняе Уладзіміра Зяленскага ад сустрэчы са Святланай Ціханоўскай і ад увядзення санкцый у дачыненні да Беларусі? На гэтыя ды іншыя пытанні адказвае выканаўчы дырэктар Савета знешняй палітыкі “Украінская прызма” Генадзь Максак.
