Шумахеру сёння споўнілася 45 гадоў, яго стан — крытычны, але стабільны
Знакаміты аўтагоншчык атрымаў чэрапна-мазгавую траўму на горналыжным курорце ў Францыі — ён зваліўся з лыжаў і ўдарыўся галавой аб камень.
З 29 снежня Міхаэль Шумахер знаходзіцца ў коме ў шпіталі Грэнобля. Яму зрабілі дзве аперацыі. Ніякіх зменаў у стане спартоўца не адбываецца. Медыкі кажуць, што ён крытычны, але стабільны.
3 студзеня Шумахеру споўнілася 45 гадоў. Напярэдадні яго сям'я падзякавала ўсім, хто хвалюецца за Міхаэля і жадае яму выздараўлення. "Мы ўсе ведаем, што ён баец, які ніколі не здасца", — гаворыцца ў заяве.
Побач з Міхаэлем Шумахерам знаходзяцца яго жонка Карына, 16-гадовая дачка Джына-Марыя і 14-гадовы сын Мік.
Як на верталёце эвакуявалі траўмаванага Шумахера (відэа)
Фота — Getty Images\Fotobank.ru, AFP
