Шуневіч: Усіх супрацоўнікаў ДАІ забяспечаць відэарэгістратарамі

Усіх супрацоўнікаў ДАІ, ДПС забяспечаць відэарэгістратарамі. Пра гэта карэспандэнту Еўрарадыё распавёў міністр унутраных спраў Беларусі Ігар Шуневіч. Паводле яго слоў, цяпер ідзе праца па забеспячэнні відэарэгістратарамі супрацоўнікаў дарожна-патрульнай службы. Шуневіч кажа, што пастаянна праводзяцца закупкі, тэндары, выбіраюцца пастаўшчыкі. Найперш гэтай тэхнікай забяспечваюцца супрацоўнікі ў Мінску і абласных гарадах.

Ігар Шуневіч кажа, што відэарэгістратары даішнікам патрэбны найперш для таго, каб зняць “усе пытанні наконт правамернасці іх дзейнасці”. “Будзе добра бачна, хто і як сябе паводзіў”, — кажа міністр. Паводле яго слоў, відэа “будзе добрым доказам і ў судзе”.