Сілы Амерыкі дастаткова, каб разам з намі даціснуць Расію і Пуціна — Зяленскі
Уладзімір Пуцін / kremlin.ru
Прэзідэнт Украіны Уладзімір Зяленскі пракаментаваў тэлефонную размову з амерыканскім прэзідэнтам Дональдам Трампам. Трамп патэлефанаваў Зяленскаму пасля размовы з Уладзімірам Пуціным, падчас якой яны пагадзіліся з неабходнасцю спыніць вайну ва Украіне.
"Я ўдзячны прэзідэнту Трампу за шчырую цікавасць да нашых агульных магчымасцяў, да таго, як мы можам разам наблізіць сапраўдны мір, — кажа Зяленскі. — Працяглая размова. Мы абмеркавалі шмат нюансаў — дыпламатычных, ваенных, эканамічных, і прэзідэнт Трамп праінфармаваў мяне пра тое, што яму сказаў Пуцін. Верым, што сілы Амерыкі дастаткова, каб разам з намі, разам з усімі партнёрамі даціснуць Расію і Пуціна да міру".
12 лютага Дональд Трамп даў даручэнні аб будучых перамовах. "Мы таксама дамовіліся [з Пуціным], што нашы каманды пачнуць перамовы [па ўрэгуляванні вайны] неадкладна", — заявіў ён.
