Сіноптыкі: Да праваслаўнага Вялікадня цяпла не будзе
Але ўвогуле надвор'е адпавядае кліматычным нормам.
Бліжэйшыя паўтара тыдня яшчэ будзе халодна.
“Да праваслаўнага Вялікадня цяпла не будзе. Мы вельмі лёгка прывыкаем да цяпла, таму зараз нам здаецца, што вельмі некамфортна і холадна. Насамрэч зараз надвор’е адпавядае кліматычнай норме. Да прыкладу, учора тэмпература паветра ў Мінску была нават вышэй за норму на 2 градусы”, − кажа Еўрарадыё галоўны сіноптык Белгідрамета Святлана Рыбакова.
Сіноптыкі прагназуюць, што яшчэ паўтара тыдня будзе даволі холадна, прагназуюцца ападкі ў выглядзе дажджу і нават мокрага снегу. Тэмпература паветра ўначы ад –4 да +2, а днём у паўднёвых раёнах Беларусі чакаецца да 9 градусаў цяпла.
Фота — dribin.by
