Сіноптыкі: У панядзелак будзе даволі цёпла, пераважна без ападкаў
29 верасня чакаецца хмарнае з праясненнямі надвор’е.
Будзе пераважна без ападкаў, толькі ўдзень месцамі па паўночным усходзе краіны пройдуць невялікія кароткачасовыя дажджы.
Уначы і раніцай у некаторых раёнах прагназуецца туман. Вецер чакаецца заходні ўмеркаваны.
Тэмпература паветра ўначы складзе плюс 3-9 градусаў, удзень паветра прагрэецца да 13-20 градусаў.
З серады, 1 кастрычніка, сіноптыкі абяцаюць пахаладанне, перадае БЕЛТА са спасылкай на Белгідрамет.
