Сіноптыкі: У панядзелак пройдуць невялікія дажджы, будзе да +20
13 кастрычніка ў Беларусі чакаецца пераменная хмарнасць.
Уначы месцамі па паўночным усходзе прагназуюцца невялікія кароткачасовыя дажджы. Удзень будзе пераважна без ападкаў.
Уначы і раніцай у асобных раёнах магчымы туман. Вецер пераменных напрамкаў слабы да ўмеркаванага.
Тэмпература паветра ўначы складзе плюс 7-12 градусаў. Удзень чакаецца плюс 12-18 градусаў, па поўдні — да 20 градусаў цяпла, перадае БЕЛТА са спасылкай на Белгідрамет.
