Смерць школьніцы на ўборцы бульбы ― ці ўсе былі пакараныя? (відэа)
Восенню 2016 года маладзечанская школьніца падчас уборкі бульбы загінула пад коламі грузавіка. Дзяцей прывезлі дапамагаць мясцовай гаспадарцы збіраць ураджай. Суд асудзіў кіроўцу грузавіка і прызначыў выплаціць бацькам дзяўчыны кампенсацыю. Выплачваць яе, паводле рашэння суда, мусяць школа, дзе дзяўчына вучылася, і гаспадарка, на полі якой здарылася трагедыя.
Ці тых і ці адпаведна пакараў суд? Чаму не панеслі ніякай адказнасці мясцовыя чыноўнікі? На гэтыя ды іншыя пытанні ў жывым эфіры Еўрарадыё адказалі праваабаронцы Андрэй Стрыжак і Леанід Судаленка.
