Спецназ знёс намёты і барыкаду на вуліцы Грушэўскага ў Кіеве (фота)
Праваахоўныя органы працягваюць ліквідоўваць пікеты апазіцыі ва ўрадавым квартале ўкраінскай сталіцы.
Пасля непрацяглага зацішша спецназ уначы атакаваў барыкаду, падзяліў лагер на дзве часткі і правёў даволі жорсткую зачыстку. Паводле дадзеных апазіцыі, людзей, якія былі там, збівалі. Усё гэта здымалася на відэакамеры.
Паведамляецца, што міліцыі было значна больш, чым удзельнікаў акцыі пратэсту. Ніхто з іх, дарэчы, моцна не пацярпеў. Людзі адтуль перайшлі на Майдан Незалежнасці. Туды ж прыйшлі пратэстоўцы з Банкаўскай вуліцы, дзе спецназ таксама знёс барыкаду.
Фота Мустафы Наема
