Старшыня КДБ: Перадумоваў для правакацый падчас выбараў я не бачу
Але ў той жа час Валерый Вакульчык кажа, што спецслужбы пільнуюць сітуацыю і гатовыя супрацьдзейнічаць любым правакацыям.
Старшыня КДБ Беларусі Валерый Вакульчык не бачыць перадумоваў для правакацый падчас прэзідэнцкіх выбараў, якія сёлета пройдуць у нашай краіне. Пра гэта ён заявіў журналістам падчас сустрэчы ў Палаце прадстаўнікоў.
Вакульчык: “Мы павінны быць гатовыя — і Камітэт, і грамадства. І не павінны спрыяць гэтым правакацыям. І не толькі падчас выбараў — яны могуць быць і пасля іх, і незалежна ад выбараў. Такая наша праца — мы павінны гэтым займацца. Але рэальных умоваў і перадумоваў для гэтага я не бачу”.
Нагадаем, прэзідэнцкія выбары ў Беларусі пройдуць восенню 2015 года. Спачатку агучвалася дата 15 лістапада, але 9 чэрвеня старшыня ЦВК Лідзія Ярмошына заявіла, што зараз яны прапануюць правесці выбары 11 кастрычніка. Імаверна, што даты выбараў дэпутаты Палаты прадстаўнікоў прызначаць на сваім пасяджэнні 30 чэрвеня.
