Супрацьстаянне апазіцыі і ўлады ў Маскве – чыя возьме?
10 жніўня ў Маскве прайшоў дазволены ўладамі мітынг “Вернем сабе права на выбары”. Паводле падлікаў незалежных назіральнікаў, на акцыі прыйшло звыш 50 тысяч чалавек. Галоўныя патрабаванні мітынгоўцаў – зарэгістраваць незалежных кандыдатаў у дэпутаты Масдзярждумы і вызваліць усіх затрыманых падчас папярэдніх акцый пратэстаў у Маскве. Але і гэтым разам без затрыманняў не абышлося. Паводле звестак, 10 жніўня былі затрыманыя больш за 200 чалавек.
Чым адметны сёлетні “нядопуск” да ўдзелу ў выбарах незалежных кандыдатаў у параўнанні з адмовамі ў рэгістрацыі іх у мінулыя гады? Ці варта чакаць, што расійская ўлада пойдзе на саступкі? Ці будуць расійскія пратэсты радыкалізавацца і да чаго гэта можа прывесці?
На гэтыя ды іншыя пытанні ў жывым эфіры Еўрарадыё адказвае муніцыпальны дэпутат Савета дэпутатаў муніцыпальнай акругі Хамоўнікі ў Маскве, адзін з заяўнікаў мітынгу “Вернем сабе права на выбары”, спецыяльны карэспандэнт “Новой газеты” Ілья Азар.
