Сёння пачынаецца суд над палітзняволенымі лідарамі АГП

Суд Першамайскага раёна Мінска сёння пачаў разгляд справы палітзняволеных лідараў АГП. Палітыкаў Аксану Аляксееву, Мікалая Казлова і Антаніну Кавалёву затрымалі 27 ліпеня. Іх абвінавацілі ў дзеяннях, якія груба парушаюць грамадскі парадак.

Праваабаронцы са спасылкай на палітыка Анатоля Лябедзьку раней паведамлялі, што Казлова пасля затрымання збівалі на Акрэсціна і на “Валадарку” перавялі з ужо “сінімі нагамі”.

Гэта не першае затрыманне Казлова. Ён быў асуджаны на тры месяцы арышту за разгалошванне следчых звестак па справе Каардынацыйнай Рады, нагадваюць праваабаронцы "Вясны". Суд праходзіў у закрытым рэжыме, таму канкрэтныя эпізоды абвінавачвання невядомыя.

За час зняволення Казлоў атрымаў вымову ад адміністрацыі ізалятара, Казлова паставілі на прафулік як "схільнага да экстрэмізму".

Ён цалкам адбыў тэрмін і выйшаў на волю сёлета 26 сакавіка.