У Гарадоцкім раёне згарэў драўляны каталіцкі храм, якому больш за 100 гадоў
У Гарадоцкім раёне Віцебскай вобласці згарэў драўляны каталіцкі храм святых апосталаў Пятра і Паўла. Пра гэта паведамляе ў Telegram прэс-служба Следчага камітэта. Здарэнне адбылося ўдзень 17 красавіка ў вёсцы Рамні. Паводле папярэдняй інфармацыі, побач спальвалі смецце альбо хтосьці неасцярожна абыходзіўся з агнём, і ён перакінуўся на сухую расліннасць, а пасля — на касцёл. Будынак знішчаны. Ніхто з людзей не пацярпеў.
На месцы здарэння працуе следча-аператыўная група, якая высвятляе ўсе абставіны здарэння.
Касцёл быў пабудаваны ў 1896 годзе на мураваным падмурку XVIII стагоддзя. Ён лічыўся аб'ектам гісторыка-культурнай спадчыны рэгіянальнага значэння. Храм не эксплуатаваўся больш за 30 гадоў, адзначае прэс-служба МНС.
Больш важных падзей 17 красавіка ў праграме "Еўразум"
