"Тарпеда-БелАЗ" абыграла венгерскі "Дэбрэцэн" — 1:0
У Жодзіне 21 ліпеня ў рамках другога кваліфікацыйнага раўнда футбольнай Лігі Еўропы прайшоў матч у адказ паміж мясцовым "Тарпеда-БелАЗ" і венгерскім "Дэбрэцэнам". Гульня скончылася з лікам 1:0 на карысць беларускай каманды.
Адзіны гол на 25-й хвіліне забіў Вадзім Дземідовіч.
Першая сустрэча адбылася ў Венгрыі 14 ліпеня. Тады футбалісты "Тарпеда" святкавалі перамогу з лікам 2:1.
Такім жодзінская каманда ўпершыню ў сваёй гісторыі выходзіць у трэці кваліфікацыйны раўнд Лігі Еўропы. У ім клуб сустрэнецца з венскім "Рапідам".
