Трамп усё адмаўляе, а за каментары ўжо забіваюць — #ІхНоравы

У выніку Трампа арыштавалі і змясцілі ў турму акругі Фултан, дзе ён прабыў 20 хвілін. Там ён стаў першым прэзідэнтам Злучаных Штатаў, якому зрабілі турэмнае фота.

Трамп змог выйсці з турмы, бо пагадзіўся ўнесці заклад у памеры 200 тысяч долараў.

Смяротны прысуд за каментары

У Саудаўскай Аравіі вынесены смяротны прысуд 54-гадоваму настаўніку на пенсіі Мухамаду аль-Гамдзі за пасты ў сацсетках. Суд прызнаў аль-Гамдзі вінаватым у змове супраць уладаў і падрыве дзяржаўных інстытутаў, грунтуючыся толькі на яго мірным выказванні меркавання ў Twitter і YouTube. Пра гэта паведаміла праваабарончая арганізацыя Human Rights Watch.

Згодна з яе інфармацыяй, рашэнне прыняў спецыялізаваны крымінальны суд Саудаўскай Аравіі 10 ліпеня. У якасці доказаў віны падсуднага ён прыцягнуў яго твіты, рэтвіты, а таксама актыўнасць у YouTube.

Human Rights Watch заклікала ўлады каралеўства адмяніць прысуд, які сведчыць пра "ўзмацненне рэпрэсій супраць свабоды выказвання меркаванняў і мірнага палітычнага іншадумства". 

"Рэпрэсіі ў Саудаўскай Аравіі дасягнулі жахлівай новай стадыі, калі суд можа вынесці смяротны прысуд толькі за мірныя твіты", – заявіў эксперт HRW па Саудаўскай Аравіі Джоі Шы. Ён заклікаў улады краіны "адхіліць гэтую пародыю на правасуддзе".

Мухамад аль-Гамдзі быў затрыманы ў чэрвені 2022 года. Ён знаходзіўся чатыры месяцы ў адзіночнай камеры і быў пазбаўлены доступу да адваката і кантактаў са сваякамі.

У Пентагоне распавялі, дзе Пуцін шукае зброю

Прадстаўнік Міністэрства абароны ЗША брыгадны генерал Патрык Райдэр падчас брыфінгу расказаў, дзе Расія шукае зброю і боепрыпасы. У час сустрэчы з прадстаўнікамі СМІ ён адказаў на пытанне, ці скончылася пагадненне па ўзбраеннях паміж групай Вагнера і Паўночнай Карэяй.

"Вагнер", па сутнасці, скончыў сваю дзейнасць. Таму я думаю, што можна з упэўненасцю сказаць, што там не вядзецца шмат перамоваў. Але зноў жа, больш шырокае пытанне — гэта расійскі ўрад, на які "Вагнер" працаваў, падтрымліваючы аперацыі ва Украіне", — сказаў чыноўнік.

Ён удакладніў: шырэйшая праблема палягае ў тым, што Расія шукае "рэжымы-ізгоі", уключаючы Іран, каб паспрабаваць атрымаць дадатковыя боепрыпасы, зброю.

"Таму мы зноў заклікаем Паўночную Карэю не весці перамовы з Расіяй і не прадстаўляць якія-небудзь віды боепрыпасаў, якія могуць забіць нявінных цывільных ва Украіне", — падкрэсліў спікер.

NASA паказала імавернае месца падзення расійскага апарата

NASA паказала, які след расійскі апарат мог пакінуць на Месяцы. Апублікаваны здымак імавернага месца яго падзення.