Туман і галалёдзіца: на дарогах Беларусі 2 красавіка варта быць больш уважлівымі
Туман у Беларусі / Еўрарадыё
Ноччу і раніцай 2 красавіка ў Мінскай, Брэсцкай і Гомельскай абласцях чакаецца туман. Бачнасць у тумане складзе ад 100 да 500 метраў, вынікае са звестак Белгідрамета. Абвешчаны аранжавы ўзровень небяспекі.
У Віцебскай вобласці вадзіцелі могуць сутыкнуцца з галалёдзіцай — там жоўты ўзровень небяспекі.
МНС просіць людзей устрымацца ад паездак па горадзе на асабістым транспарце. Пры руху ў тумане на аўтамабілі варта адмовіцца ад лішніх перастраенняў, абгонаў і апярэджанняў.
Карта Беларусі, дзе адзначаны неспрыяльныя метэаралагічныя з'явы / МНС
