У Барысаве прэвентыўна затрымалі актывіста Алеся Абрамовіча
У Барысаве прэвентыўна затрымалі мясцовага актывіста і сябра БАЖа Алеся Абрамовіча. Як паведамляе Радыё Свабода, затрыманне адбылося напярэдадні акцыі сацыяльнага пратэсту, да якой заклікалі беларускія анархісты ў шэрагу гарадоў на 18-19 сакавіка, у тым ліку ў Барысаве.
Разам з Алесем Абрамовічам быў сябра Аб’яднанай грамадзянскай партыі Іван Помазаў.
Затрыманыя паспелі паведаміць, што міліцыя іх падазрае ў арганізацыі несанкцыянаванай акцыі. Тэлефоны ў затрыманых адабралі.
