У Беларусі чакаецца пахаладанне

Уначы ў суботу, 11 студзеня, ападкі (снег, мокры снег і дождж) магчымыя пераважна на ўсходзе Беларусі, раніцай і ўдзень — амаль па ўсёй краіне (пераважна мокры снег). Сіноптыкі папярэджваюць пра галалёдзіцу на асобных участках дарог.

У начныя гадзіны тэмпература паветра складзе ад -4 да +1 градуса (у Мінску — ад 0 да -2), у дзённыя гадзіны — ад -2 да +2 (у сталіцы — ад -1 да +1).

Удзень у нядзелю ападкі (невялікі снег, мокры снег) чакаюцца ў многіх раёнах краіны. Уначы будзе 1-6 градусаў марозу, у дзённыя гадзіны — ад -4 да +1. У панядзелак у начныя гадзіны прагназуецца да -11, удзень — ад 0 да -6.