У Беларусі дадалося сем новых палітвязняў
Камера, ілюстрацыйнае фота / pixabay.com
Яшчэ сем чалавек атрымалі статус палітвязняў, паведамляе праваабарончы цэнтр "Вясна". Гэта Наталля Варабей, Ала Кісель, Наталля Давыдка, Алена Вярбіцкая, Марына Алісеенка, Марк Невар, Аляксандр Лютаў.
Праваабаронцы ўдакладняюць, што Наталля Варабей, Ала Кісель, Наталля Давыдка, Алена Вярбіцкая абвінавачваныя ў "садзейнічанні экстрэмісцкай дзейнасці" (арт. 361-4 КК) .
Марына Алісеенка абвінавачаная ў "садзейнічанні экстрэмісцкай дзейнасці" і "ўдзеле ў групавых дзеяннях, якія груба парушаюць грамадскі парадак" (арт. 361-4 і 342 КК).
Марк Невар абвінавачваны ва "ўдзеле ў экстрэмісцкім фармаванні" і "садзейнічанні экстрэмісцкай дзейнасці" (арт. 361-1 і 361-4 КК) і асуджаны да пазбаўлення волі ў папраўчай калоніі.
Аляксандр Лютаў па абвінавачванні ў "садзейнічанні экстрэмісцкай дзейнасці" (арт. 361-4 КК) асуджаны да пазбаўлення волі ў папраўчай калоніі.
