У Беларусі налічылі каля 2 тысяч расійскіх вайскоўцаў

У Беларусі налічылі каля 2 тысяч расійскіх вайскоўцаў (іх колькасць істотна знізілася яшчэ ў 2023 годзе). Большасць з іх знаходзяцца ў радыётэхнічным вузле "Баранавічы" і ў вузле сувязі "Вілейка". Там іх да 1450 чалавек, піша "Беларускі Гаюн".

На аэрадромах "Баранавічы", "Мазыр" і "Зябраўка" можа знаходзіцца каля 530 чалавек. У 313-й ваеннай пракуратуры гарнізона і 484-м ваенным следчым аддзеле — яшчэ да 20 чалавек.

Як адзначае згаданы тг-канал, у снежні 2024-га сітуацыя з расійскім вайсковым кантынгентам у Беларусі не змянілася: расіяне працягваюць знаходзіцца ў тых жа лакацыях і ў той жа колькасці, што і раней.