У Брэсце аўтамабіль таксі праваліўся ў канаву
Кіроўца не пацярпеў і з аўтамабіля выбраўся самастойна / brest.mvd.gov.by
Сёння ноччу аўтамабіль таксі праваліўся ў канаву ў Брэсце. Інцыдэнт здарыўся каля 00:30 на вуліцы Радужнай, паведамляе УУС Брэсцкага аблвыканкама.
24-гадовы брэстаўчанін за рулём Volkswagen не справіўся з кіраваннем, з'ехаў у правы кювет, а пасля - у канаву.
Кіроўца не пацярпеў і з аўтамабіля выбраўся самастойна праз акно.
