У Брэсце п'яны кіроўца на "Маздзе" наехаў на слуп і трапіў у рэанімацыю

У Брэсце п'яны кіроўца на "Маздзе-626" наехаў на слуп і трапіў у рэанімацыю абласной бальніцы. Як інфармуе прэс-служба ДАІ Брэсцкай вобласці, здарэнне адбылося ўвечары 28 чэрвеня. Кіроўца не саўладаў з кіраваннем і выехаў за межы праезнай часткі. 44-гадовы мужчына атрымаў цяжкія траўмы.

Прэс-служба МНС дадае, што з разбітага аўтамабіля кіроўцу вызвалялі ратавальнікі з дапамогай спецінструментаў.