У Бярозе патанулі двое падлеткаў
У Бярозе патанулі два школьнікі-падлеткі. Гэта здарылася удзень 22 чэрвеня ў карьеры ў Заводскім завулку. Як паведамляе БелаПАН са спасылкай на прэс-службу Брэсцкага абласнога ўпраўлення МНС, паведамленне пра здарэнне паступіла да выратавальнікаў у 12.41. У дзяжурную частку патэлефанавалі і сказалі, што ў кар’еры тонуць два чалавекі.
На жаль, выратавальнікі не паспелі з дапамогай — двое хлопцаў ужо зніклі пад вадой. Іх дасталі з чатырохметровай глыбіні ў 15 і 20 метрах ад берага. Медыкі змаглі толькі канстатаваць смерць падлеткаў. Аднаму было 14 гадоў, іншаму 16.
На кар’еры не было выратавальнага паста.
