У дашкольных установах ствараюць групы "грамадзянска-патрыятычнай накіраванасці"
Ваенны камісар і дзеці / palese.by
У дашкольных установах Беларусі ствараюць групы "грамадзянска-патрыятычнай накіраванасці". У Гомельскай вобласці іх тры. Адна з іх нядаўна арганізавана ў горадзе Жыткавічы ў мясцовым дашкольным цэнтры развіцця дзіцяці. Яе назвалі "Юныя патрыёты".
Дагэтуль чыноўнікі, сілавікі і прапагандысты ў РБ актыўна працавалі са школьнікамі, запісваючы іх у разнастайныя "патрыятычныя" клубы. Цяпер яны дабраліся да дзіцячых садкоў.
У апошнія гады сетка "ваенна-патрыятычных клубаў" разбудоўваецца рэжымам Аляксандра Лукашэнкі па ўсёй Беларусі. Іх выкарыстоўваюць не толькі для падрыхтоўкі кадраў для сілавых структур, але і для ідэалагічнай апрацоўкі моладзі, якая ў 2020-м падтрымала пратэсты. Толькі МУС ахоплівае больш за 5 тысяч хлопчыкаў і дзяўчынак.
