У Гомелі будуць патруляваць месцы магчымых пратэстаў
У Гомелі ў тэрміновым парадку ствараюцца групы "па раскрыцці злачынцаў пратэстнай накіраванасці". Паводле мясцовых журналістаў, новыя правілы ўводзіць новы міліцэйскі начальнік — ад ліпеня УУС Гомеля кіруе Аляксандр Шастайла.
"Павысілі патрабаванні з кіраўнікоў за дадзены кірунак. Будуць падымаць старыя справы, глядзець магчымасці па іх прыцягнуць, раскрыць", — паведаміла крыніца "Радыё Свабода".
Як піша выданне, у патрульныя групы будуць уваходзіць як свабодныя сілы крымінальнай міліцыі, так і міліцыі грамадскай бяспекі. Патрулі будуць прачэсваць горад кругласутачна. Асаблівую ўвагу будуць удзяляць месцам магчымага нанясення надпісаў, размяшчэння ўлётак, месцаў гібелі актывістаў і г.д.
