У Гомелі мужчына, які катаваў бацьку-інваліда, асуджаны на 4 гады турмы
У Гомелі мужчына, які катаваў бацьку-інваліда, асуджаны на 4 гады турмы. Як паведаміла "Гомельскай праўдзе" прэс-сакратар абласнога суда Вольга Барсукова, бацьку ампутавалі ногі і ён быў прыкаваны да ложка. У канцы мінулага года сын у нецвярозым стане неаднаразова скідаў яго з канапы, душыў (ставіў нагу на горла), збіваў, усяляк здзекаваўся. Зламысніка прызналі вінаватым у наўмысным нанясенні менш цяжкага цялеснага пашкоджання, якое выклікала працяглыя праблемы са здароўем (арт. 149 КК). У пенсіянера была зламаная сківіца.
Адбываць пакаранне жыхар Гомеля будзе ў калоніі ва ўмовах агульнага рэжыму. Таксама яго будуць прымусова лячыць ад алкагалізму. Рашэнне суда яшчэ не набыло законнай сілы. Адзначаецца, што мужчына нідзе не працаваў, жыў за кошт бацькоў.
