У Гомельскай і Магілёўскай абласцях абвешчаны чырвоны ўзровень небяспекі

У аўторак, 10 верасня, у Беларусі ўначы чакаецца невялікая воблачнасць, удзень будзе воблачна з праясненнямі, паведамляе Белгідрамет.

Надвор'е будзе пераважна без ападкаў, толькі па захадзе краіны зранку і ўдзень пройдуць кароткачасовыя дажджы, месцамі прагрымяць навальніцы. Вецер чакаецца паўднёва-ўсходні, паўднёвы ўмераны, месцамі — парывісты.

Тэрмометры ўначы пакажуць 5-11 са знакам "плюс", у асобных раёнах будзе 12-16 вышэй за нуль. Удзень паветра прагрэецца да +22...+28, па захадзе Беларусі прагназуецца 18-21 цяпла.

На большай частцы тэрыторыі Гомельскай і Магілёўскай абласцей чакаецца надзвычайная пажарная небяспека (пяты клас). У сувязі з гэтым сіноптыкі абвясцілі чырвоны ўзровень небяспекі.