У кіеўскім дзевяціпавярховіку прагрымеў выбух, пад заваламі маглі застацца людзі

У дзевяціпавярховіку ў цэнтры Кіева адбыўся выбух. Надзвычайнае здарэнне адбылося ў доме па вуліцы Саламеі Крушальніцкай на правым беразе Дняпра.

Выбухам закранула пяць паверхаў у адным з пад'ездаў: з чацвёртага па восьмы. Кватэры на трох з іх знішчаныя цалкам. Фасад будынка можа абваліцца.

Выратавальнікі шукаюць пад заваламі людзей.

Дакладна прычыны выбуху пакуль невядомыя. У якасці найбольш верагоднай версіі называюць выбух газу.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.