У Лідзе ў кабіне фуры згарэў кіроўца
Пажар у Лідзе: згарэў кіроўца фуры
У Лідзе 60-гадовы кіроўца згарэў у кабіне фуры. Трагедыя здарылася ў ноч на 29 студзеня. Пра гэта паведамляе МНС.
Па інфармацыі ратавальнікаў, узгаранне грузавога аўтамабіля адбылося на тэрыторыі зоны мытнага кантролю "Лідаспецаўтатранс". Яна знаходзіцца ў Лідзе на вуліцы Фурманава. Калі пажар патушылі, унутры кабіны быў знойдзены мужчына.
Autogrodno.by піша, што загінулы кіроўца жыў у Воранава. А прычынай трагедыі стаў выбух газавага балона, на якім ён гатаваў ежу.
"Удар быў такі, што развярнула дах. Афіцыйная інфармацыя будзе пазней. Праводзяцца праверкі", — паведамляе крыніца.
