У Магілёве адкрылі першы ў краіне памятны знак АМАПу (фота)

У Магілёве адкрылі першы ў краіне памятны знак АМАПу. Знаходзіцца ён на базе мясцовага атраду міліцыі асаблівага прызначэння каля 200-гадовага дуба. Газета “СБ. Беларусь сегодня” піша, што два помнікі “дапаўняюць адзін аднаго”.

Мікалай Мельчанка, які часова выконвае абавязкі па пасадзе міністра ўнутраных спраў, адзначыў, што адкрыццё памятнага знаку адбылося ў рамках святкавання 100-годдзя беларускай міліцыі. Паводле яго слоў, “гэта ў Беларусі — “першая ластаўка”. Ён хацеў бы, каб такія памятныя знакі з’явіліся ў многіх падраздзяленнях МУС.