У Мар'інай Горцы пацыенты чакаюць прыёму да доктара на дварэ — такія чэргі
Чарга пацыентаў да доктара перад паліклінікай у Мар'інай Горцы / gazetaby.com
У Мар'інай Горцы (Мінская вобласць) людзі з тэмпературай вымушаныя па некалькі гадзін стаяць на дварэ перад паліклінікай, чакаючы магчымасці трапіць да доктара, паведамляе "Салідарнасць".
Для пацыентаў з тэмпературай прадугледжаны асобны ўваход. Хворых шмат, а месца для чакання перад кабінетам — адно. Таму людзі і чакаюць на дварэ. Сярэдні час знаходжання ў чарзе — каля трох гадзін, расказваюць відавочцы.
Учора было адносна цёпла, але ў найбліжэйшыя дні сіноптыкі прагназуюць пахаладанне. Як паўплывае доўгае чаканне на дварэ на стан пацыентаў з тэмпературай, можна толькі здагадвацца.
Напярэдадні ў сеціве з'явіліся фота з дзіцячай паліклінікі Мінска. Сюжэт той самы: выклікаць доктара на дом складана, педыятры не спраўляюцца. Таму перад кабінетам сядзіць вялізная чарга.
