У Мінску экскаватар зваліўся ў яму, якую сам і выкапаў. Фота
Здарэнне адбылося ў суботу на вуліцы Чырвонаармейскай. На шчасце, ніхто не пацярпеў.
У суботу, 25 красавіка, на вуліцы Чырвонаармейскай у Мінску каля першай гадзіны дня вяліся рамонтныя работы — трэснула каналізацыйная труба. Рабочыя пачалі адкопваць трубу, калі раптоўна экскаватар зваліўся ў яму, якую сам і выкапаў.
Падчас здарэння ніхто не пацярпеў. Выехаць самастойна кіроўца экскаватара не змог. Спатрэбілася дапамога грузавіка.
Фота Тамары Савіч, Еўрарадыё
