У Мінску з-за адсутнасці напружання спыняліся некаторыя тралейбусы і трамваі
Адбылася аварыя электрасетак / t.me/minsknews_by/
Раніцай 25 лютага ў Мінску з-за адсутнасці напружання (адбылася аварыя электрасетак) спыняліся некаторыя тралейбусы і трамваі. Як паведамляе "Мінсктранс", здарэнне адбылося ў 08:47. Рух быў спынены на вуліцах Філімонава, Кедышкі, Кнорына, Кузьмы Чорнага, Мірашнічэнкі, Каліноўскага, Лагойскім тракце, бульвары Талбухіна.
Рух тралейбусаў маршрутаў №46, 53 быў арганізаваны да ДС Карастаянавай, маршрутаў №29, 37, 38 — да РК Акадэмічная. Рух трамваяў маршруту №5 арганізаваны да РК Змітрака Бядулі, №1, 6, 11 — да ДС “Возера”. Арганізаваны часовы аўтобусны маршрут №906 “ДС Карбышава — Чырвоная”.
Рух аднавілі ў 09:30.
