У наступным годзе Мінздароўя плануе прышчапляць дзяцей ад каранавіруса
У наступным годзе ў Беларусі дзецям плануюць рабіць прышчэпкі ад каранавіруса, паведаміў міністр аховы здароўя Дзмітрый Піневіч.
"Думаю, гэта з часам будзе сезонная вакцынацыя. Альбо гэта будзе дзве вакцыны, альбо камбінаваная — ад грыпу і кавіду", — перадае яго словы прэс-служба Мінздароўя.
Таксама чыноўнік заявіў, што ў Мінску і Мінскай вобласці захворванне на каранавірус яшчэ перавышае паказчыкі мінулай хвалі, аднак не назваў ніякія лічбы.
Піневіч паведаміў, што ў гэтай хвалі актыўна дзейнічае штам "Дэльта". На яго, па словах міністра, часцей хварэюць дзеці, маладыя і пажылыя людзі, а таксама цяжарныя.
