У Нясвіжскім раёне п'яны кіроўца перакуліўся на "Рэно", загінула жанчына
У Нясвіжскім раёне п'яны кіроўца на "Рэно" з'ехаў у кювет і перакуліўся, загінула жанчына, якая ехала ў якасці пасажыра. Як інфармуе прэс-служба Міністэрства ўнутраных спраў, здарэнне адбылося ўвечары 25 чэрвеня каля вёскі Затур'я. Вядома, што аўтамабілем кіраваў жыхар вёскі Сейлавічы. Загінулая — жыхарка Столінскага раёна.
Яшчэ адзін пасажыр, жыхар Салігорска, атрымаў траўмы і быў шпіталізаваны.
