У панядзелак крыху пахаладае, месцамі будуць навальніцы
У бліжэйшыя суткі, 29 красавіка, у Беларусі чакаецца малахмарнае надвор’е, пераважна без ападкаў. Толькі ўначы і раніцай па крайнім паўднёвым захадзе прагназуюцца кароткачасовыя дажджы, месцамі навальніцы.
Вецер будзе ўсходні, уначы ўмеркаваны, удзень парывісты, у асобных раёнах да 15-17 метраў за секунду.
Тэмпература паветра ўначы складзе ад нуля на паўночным усходзе да +12 на паўднёвым захадзе. У сярэдзіне дня будзе 13-19 градусаў цяпла, перадае БЕЛТА са спасылкай на Белгідрамет.
Таксама сіноптыкі звяртаюць увагу, што да 1 траўня на большай частцы тэрыторыі краіны захаваецца высокі ўзровень пажарнай небяспекі. З гэтай прычыны па ўсёй Беларусі забаранілі наведванне лясоў.
