У пасольстве Кітая пракаментавалі бунт рабочых у Добрушы

2 ліпеня сотні кітайскіх рабочых, якія працавалі ў Добрушы на будаўніцтве картоннага камбінату, пайшлі пешшу ў Мінск праз Гомель. Яны пратэстуюць супраць затрымкі заробкаў.

“Дагэтуль, калі шчыра, пасольства не атрымала поўнай інфармацыі. Напэўна, гэта канфлікт паміж кітайскімі прадпрымальнікамі і рабочымі. Але што канкрэтна стала прычынай учынку рабочых — пакуль не вядома”, — каментуюць Еўрарадыё ў пасольстве КНР у Мінску.

Дыпламаты паведамляюць, што свайго прадстаўніка ў Гомель яны ўжо накіравалі. Чакаюць, што аўтамабіль даедзе цягам чатырох гадзін.

Пратэст кітайцаў у Беларусі: сотні рабочых прыйшлі з Добруша ў Гомель

“Наш прадстаўнік паслухае, паглядзіць, атрымае інфармацыю. Таму зараз мы чакаем канкрэтыкі”, — адзначаюць у пасольстве.  

Паводле некаторых звестак, нейкі прадстаўнік кітайскага пасольства ўжо вядзе перамовы з рабочымі ў Гомелі. Таксама ёсць інфармацыя, што ў Гомель выехаў пасол Кітая Цуй Цымін.

Калона кітайцаў пайшла пешшу з Гомеля ў Мінск

Фота: tut.by