У пятніцу будзе невялікі снег, галалёдзіца і мароз ад –3 да –16
У бліжэйшыя суткі, 8 студзеня, у Беларусі будзе хмарнае з праясненнямі надвор’е. Месцамі пройдзе невялікі снег, на асобных участках дарог захаваецца галалёдзіца. Вецер будзе паўночна-ўсходнім, усходнім слабым.
Тэмпература паветра ўначы складзе 11-17 градусаў ніжэй за нуль, па поўначы пры праясненнях дасягне мінус 18-23. На поўдні чакаецца 7-10 градусаў марозу.
Удзень максімальная тэмпература на паўднёвым захадзе складзе –3 і на поўначы — -16, перадае БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджання і маніторынгу навакольнага асяроддзя Мінпрыроды.
Фота: photoclub.by
