У Расіі знайшлі кнігу, якая належала асабіста Сімяону Полацкаму
![Кніга была на рэстаўрацыі](/sites/default/files/styles/gallery_main/public/2024-06/448685743_3938878583000910_8697764431548071249_n.jpg.webp?itok=xHQN9gPA)
Кніга была на рэстаўрацыі / facebook.com
У Расіі знайшлі кнігу, якая належала асабіста Сімяону Полацкаму (1629 — 1680), праваслаўнаму дзеячу, паэту, драматургу, філосафу. Пра сенсацыйную знаходку паведаміў у Facebook гісторык, археограф і бібліёграф Мікола Мікалаеў, які жыве ў Санкт-Пецярбургу.
"Пазванілі рэстаўратары: мы тут кніжку рэстаўравалі, Евангелле на арабскай і лацінскай мовах з друкарні Медзічы, Рым, 1591 год, — піша Мікалаеў. — І знайшлі ў напаўненні пераплёту шмат грэчаскіх рукапісных лісткоў. А на апошняй старонцы нейкія славянскія і лацінскія запісы. Можа глянеце? Падыйшоў, глянуў: лацінскай мовай пра прыналежнасць кнігі іераманаху базыліянскага ордэна Сімяону Піятроўскаму Сітняновічу. Што значыць — Сімяону Полацкаму. Яго рукой. Сенсацыя. Пасля вывучэння моцна прагучыць".
![У Расіі знайшлі кнігу, якая належала асабіста Сімяону Полацкаму](/sites/default/files/styles/default_image_paragraph/public/paragraphs/image/800px-%D0%A1%D0%B8%D0%BC%D0%B5%D0%BE%D0%BD_%D0%9F%D0%BE%D0%BB%D0%BE%D1%86%D0%BA%D0%B8%D0%B9_1818.jpg.webp?itok=6Mf9J8AK)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.