У сераду па паўднёвым усходзе Беларусі будзе да +28
Спякота
У сераду, 11 верасня, у Беларусі будзе воблачна з праясненнямі, паведамляе Белгідрамет.
Уначы месцамі па захадзе, а зранку і ўдзень у асобных раёнах краіны пройдуць невялікія кароткачасовыя дажджы. Уначы і зранку месцамі будзе згушчацца туман. Вецер чакаецца паўднёвай чвэрці — ад слабога да ўмеранага.
Тэрмометры ўначы пакажуць +9...+15. Удзень прагназуецца 21-26 вышэй за нуль, па паўднёвым усходзе краіны — да 28 цяпла.
У сувязі з вялікай верагоднасцю пажараў на большай частцы тэрыторыі Гомельскай, Магілёўскай і Брэсцкай абласцей сіноптыкі абвясцілі чырвоны ўзровень небяспекі.
